Kiko Nos ta Hasi

KIKO NOS TA HASI

KIKO NOS TA HASI

Gobièrnu di Hulanda a ofresé un fiansa di ANG 170 miyon ku 0% di interes na Gobièrnu di Kòrsou, ku e ora ei a pasa e fiansa akí pa GSH. 

Girobank lo paga tur su depositantenan te ku un montante maksimo di ANG 1.2 miyon. GSH, a kambio, lo kubri e pagonan akí te ku un total di ANG 170 miyon (e montante di e fiansa). E solushon akí ta duna prioridat speshal na personanan i kompanianan mas chikí, klientenan afektá dor di no tin akseso na nan fondonan na Girobank.  

 

KIKO ESAKI TA NIFIKÁ PA KLIENTENAN DI GIROBANK

Si bo tin un fiansa na Girobank na e momentu aki, bo tin un fiansa na GSH!

Tur kondishon kontraktual pa klientenan ku un fiansa di Girobank lo keda na vigor. Instrukshonnan di pago pa bo fiansa tambe lo keda na vigor i por lo pronto no lo kambia. Tur derecho di retenshon, garantia kolateral, garantia i otro instrumentunan usá pa Girobank pa garantisá bo fiansa lo wòrdu transferí na GSH i di mes un manera lo keda bálido.

KON LO NOS HASI ESAKI

Durante di e lunanan di Mei i Yüni 2021, tur operashon di portafolio di fiansa lo wòrdu trasladá kompletamente pa GSH. Gradualmente lo bo risibí kartanan i e-mail pa mas informashon tokante bo fiansa(nan), bo account manager, i tur otro asuntunan relatá ku bo fiansa previo di Girobank. 

 

Simplemente lo bo sigui kumpli ku e e kontrato di fiansa manera akordá ku Girobank. Nada no ta kambia. Tur kondishonnan lo keda meskos. GSH aworaki lo atministrá bo fiansa en bes di Girobank.

 

Na e momentu aki e instrukshonnan di pago mensual pa bo fiansa tambe lo keda na vigor ku Girobank manera kustumber. Despues di algun luna, bo lo risibí instrukshonnan di pago nobo pa ku bo fiansa nobo na GSH.

 

GSH tin mes un derechonan i outoridatnan ku Girobank en konekshon ku ehekushon di fiansa, rekuperashon òf garantia kolateral, findishi, i asuntunan relatá.

 

Si bo tin problema ku pagamentu bèk di bo fiansa nos ta sugerí bo pa traha un sita dirèkt pa medio di e boton online di sita riba e wèpsait akí.

 

GSH no ta garantisá niun posibilidat di bula-un-pago òf otro tipo di moratorio pa ku obligashonnan mensual. Sin embargo, nos por kambia i re-strukturá bo fiansa, si ta nesesario.