Tokante Nos

Tokante Nos

KEN NOS TA

10 di Desèmber 2019, un periodo di moratorio a ser deklará pa Banko Sentral di Kòrsou i Sint Maarten en konekshon ku e tenedonan di kuenta ku sèn di spar òf depósitonan di mas ku ANG 10.000,- riba nan kuentanan na Girobank N.V. Esaki kiermen ku Girobank a fris saldonan riba ANG 10.000,- i no tabata obligá pa hasi mas pagonan na e tenedonan di kuenta akí. E momento ei, Girobank tabatatin mas o menos 28.000 kuenta di kliente.

Aproksimadamente 8% porshento di su klientenan, ku ta responsabel pa mas o menos 2.200 kuenta bankario, a wòrdu afektá den un forma negativo dor di e desaroyo akí dor ku nan tabatatin un saldo mas grandi ku ANG 10.000,-. En realidat, e mayoria di e klientenan di Girobank tabata por a sigui usa nan kuentanan normalmente pa hasi i risibí pagonan. Penshonado nan tambe tabata por a sigui risibí nan pagonan mensual.

 

Lamentablemente, no solamente entidatnan grandi pero diferente kompanianan mas chikitu i fundashonnan tabata esnan den e 8% di afektadonan dor di e moratorio akí. Esaki a bira pió dor di e krisis di COVID ku a asotá Kòrsou 4 luna despues. Ministerio di Finansa di Gobièrnu di Kòrsou i Banko Sentral di Kòrsou i Sint Maarten a negoshá ku Gobièrnu di Hulanda pa yega na un solushon di likidashon ku lo paga bèk tur persona i mayoria empresa chikí i mediano ku tin un kuenta na Girobank.

 

Yabi pa e solushon akí tabata e kreashon di un Vehíkulo pa un Meta Speshal den mas lat den Desèmber 2020 pa resolvé e problema di pago pa klientenan di Girobank. E Vehíkulo pa un Meta Speshal akí ta wòrdu yamá GI-RO Settlement Holding N.V., GSH komo abreviashon.

 

Gobièrnu Insular di Kòrsou a risibí un fiansa di ANG 170 miyon di Gobièrnu di Hulanda. A kambio, GSH a risibí un fiansa di ANG 170 miyon di Gobièrnu di Kòrsou. E fiansa akí ta wòrdu usá pa realisá e pagonan na klientenan di Girobank te na un maksimo di ANG 1.2 miyon. A kambio, Girobank a entregá (duna) su portafolio di fiansa kompleto na GSH komo un pago pa e fiansa.

 

12 di Febrüari 2021, Korte di Primera Instansha na Kòrsou a konfirmá e valides i legalidat di e struktura akí. Despues den e luna di Aprel 2021, Girobank a kuminsá paga mas ku 2.000 depositante.

 

GSH ta kumpli ku un tarea singular i esenshal pa e isla di Kòrsou, i su obligashonnan pa ku e fiansa risibí di Hulanda, bou di strikto supervishon di Banko Sentral di Kòrsou i Sint Maarten. Den un periodo di por lo menos 10 aña, Gobièrnu di Kòrsou mester paga e fiansa akí bèk na Hulanda, i adishonalmente entradanan mester wòrdu optené for di e portafolio di fiansa pa asina por paga bèk institushonnan ku un saldo di mas di ANG 1.2 miyon na Girobank. Den e sentido akí, GSH tin 25 persona den servisio ku un solo meta: logra un maksimo rendimento riba e portafolio di GSH.