FAQ

HIPOTEK & FIANSA
(INKLUYENDO FIANSA PA OUTO I FIANSA PERSONAL)

Algu ta kambia en konekshon ku mi fiansa òf pago di fiansa?

Nò. E kondishonnan di e kontrato di fiansa firmá ku Girobank N.V. ta kompletamente aplikabel. No ta nesesario pa firma un kontrato separá/adishonal ku GSH. Bo pagonan di fiansa lo kontinuá manera nòrmal riba e kuenta bankario di Girobank. Solamente mantené e aktual instrukshonnan di pago. Si por si akaso instrukshonnan di pago di fiansa kambia, GSH lo informá bo adelantá.

Mi lo haña un otro account manager òf un otro persona di kontakto?

Lo bo keda ku bo kontakto di kuenta di Girobank N.V. pa e lunanan di Mei i Yüni 2021. Den e periodo menshona GSH a start su operashonnan. Algun empleado di Girobank lo wòrdu traspasá pa GSH. Den Yüli 2021 bo account manager lo ta konosi. Bo por yama 433-9228 pa mas informashon.

Ahinda mi mester paga mi fiansa ?

Si, bo mester hasi bo pago di fiansa/hipotek (inkluyendo interes) manera akordá den e kontrato. Nada no ta kambia relashoná ku bo obligashonnan di fiansa, bo mester sigui paga e fiansa te ora ku e ta kompletamente pagá. Den kaso ku un kliente bai un otro banko, e kliente ahinda tin e responsabilidat di paga e fiansa kompleto (inkluyendo interes).

Mi lo mester paga un but pa regla/sera/paga mi fiansa ?

E proseduranan di e kontrato di fiansa será ku Girobank N.V. ta apliká I dikta ku tur kliente mester paga un but den e kaso ku kaba paga nan fiansa mas trempan. Konsiderando algun sirkunstansianan, GSH por opta pa no kobra e but akí. Por fabor tuma kontakto ku nos.

Te ki momento mi mester hasi pagonan di fiansa/hipotek na Girobank N.V. i ki ora mester hasi esakinan na GI-RO Settlement Holding N.V. ?

Fiadónan mester kumpli ku nan obligashonnan di pago na GSH na mes manera ku na Girobank. No kambia bo instrukshonnan di pago. Simplemente lo bo sigui paga manera akordá den e kontrato ku Girobank. Kualkier kambio den e instrukshonnan di pago lo wòrdu komuniká na e fiadónan na debido tempu.

Ki ta sosodé si mi tin retraso riba mi debe i mi tin un saldo positivo na Girobank ?

Te na e momento ku bo fiansa a wòrdu ofisialmente transferí pa GSH(30 di Aprel 2021), a debitá bo saldo ku e montante di retraso riba e fiansa(nan) di Girobank. E montante ku a sobra lo wòrdu pagá dor di Girobank N.V. Despues di 30 di Aprel 2021 bo fiansa a wòrdu transferí pa GSH.

Mi mester traha un sita pa papia tokante mi fiansa.

Por fabor yena e formulario pa un sita riba e wèpsait akí pa regla bo bishita na GSH òf yama nos riba 433-9228.

Mi tin un disputa (legal) ku Girobank N.V. tokante mi fiansa. Kon mi mester sigui ?

GSH a risibí bo fiansa di Girobank N.V. komo pago pa un fasilidat ku a permití Girobank solushoná su debenan ku su depositantenan. Kualkier disputa (legal) lo sigui ku Girobank komo kontra partido, segun e reglanan di moratorio di CBCS. GSH ta un Vehíkulo pa un Meta Speshal pa likidá e portafolio di fiansa di Girobank. Komo un entidat legal separá, GSH no ta tuma enkargo di disputanan (legal) ku klientenan tin ku Girobank N.V. Ta importante pa GSH sa ora bo ta den un disputa (legal) ku Girobank N.V., por fabor informá nos via info@gshcuracao.com òf traha un sita ku nos via e formulario di sita riba e wèpsait akí.

GSH a tuma over tur garantia kolateral òf garantia relatá ku mi fiansa?

Si, e akuerdo legal entre Girobank i GSH ta determiná ku GSH ta e reseptor benefisiario legal di tur derecho di retenshon, garantia kolateral, garantia, òf otro instrumento proveé komo kobertura òf siguridat pa bo fiansa. Benefisiario di Girobank N.V. outomatikamente ta wòrdu konsiderá komo benefisiario di GSH.

SEGURO

Mi kobertura di seguro ahinda ta bálido?

Si, pa e echo ku Girobank N.V. ta operá komo broker pa diferente kompania di Seguro i Girobank mes no ta e kompania di seguro, e kobertura di seguro lo keda bálido. Kualkier futuro kambio en konekshon ku e transferensha pa GSH lo wòrdu komuniká na klientenan na debido tempu.

Kuantu tempu mi perteneshanan ahinda lo ta kubrí dor di mi seguro?

Pa e echo ku Girobank N.V. ta operá komo broker, e polis di seguro no lo kaduká i e gastunan outomatikamente lo wòrdu debitá for di bo kuenta.

OTRO

Mi por tuma kontakto ku GSH pa pregunta tokante mi saldo na Girobank N.V. ?

Nò. Bo relashon di kuenta no ta wòrdu transferí pa GSH pero lo sigui ku Girobank N.V.

Mi tin pregunta tokante mi saldo riba mi kuentanan.

Tur informashon tokante pago te ku NAf. 1.200.000,- ta wòrdu spliká riba e wèpsait di Girobank.

Kon mi por tira un bista riba mi statement di fiansa òf saldo?

GSH ta trahando pa realisá ku tur informashon relatá ku fiansa, manera saldo di fiansa, informashon di kliente aktualisá, informashon di garantia, òf otro komponente relatá na bo fiansa, lo ta mas digital posibel den e lunanan binidero. Si bo mester di un karta di e saldo di fiansa, karta di interes òf otro deklarashon relatá ku fiansa, por fabor tuma kontakto ku nos.

Kòrda ku mester paga pa tur produkto.

Kua ta e kuenta nan bankario di GSH?

Maduro & Curiels Bank              33018903
Banco di Caribe                          34021901
Vidanova                                      3001201978